Sumarferð Blindrafélagsins 2013

19. júlí, 2013

Laugardaginn 20 júlí verður lagt af stað í Sumarferð Blindrafélagsins 2013. Um er að ræða hringferð í rútu með útúrdúrum, gönguferðum, tónlistarhátíðinni Bræðslunni og tjaldútilegum. Meðal þess sem gert verður í ferðinni er að klífa Kristíanartinda í Skaftafelli (1125 m) og Snæfell (1833 m) og fara inn í Grágæsardal. Í ferðinni verða alblindir, sjónskertir og fullsjáandi einstaklingar, samtals 20 manns, þar af 3 erlendir þátttakendur . Tilgangurinn er, að frátöldu því að njóta íslenskrar náttúru og alls þess sem að fjallgöngur og útivist gefa af sér, að sýna fram á að blindir og sjónskertir einstaklingar eru fullfærir um að njóta þess að ganga á fjöll. Í sumum tilvikum þýðir það vissulega umtalsverða útvíkkun á þægindaumhverfi, en það á jafnt við um blinda og fullsjándi sem eru óvanir fjallgöngum.

Eðli málsins samkvæmt er kostnaðarsamt að skipuleggja ferð sem þessa og haf mörg fyrirtæki styrkt þetta verkefni með því að gefa mat til ferðarinnar. Þessi fyrirtæki eru: Bananar, Brúnegg. Eggert Kristjánsson, Ekran, Holtakjúklingar, Innnes, Kjarnavörur, Mjókursamsalan, Mosfellsbakarí, Myllan, N1, Ostahúsið, Ó Johnsen og Kaaber, Promens Tempra, SS, Sölufélag Garðyrkjumanna ogTjaldaleiga Skáta. Er öllum þessum fyrirtækjum færðar kærar þakkir fyrir mikilvægan stuðning.

Dagskrá ferðarinnar er eftirfarandi:

20. júlí    Lagt af stað með rútu frá Reykjavík í Skaftafell um hádegisbil og tjaldað í Skaftefelli um kvöldið.
21. júlí    Gengið Á Kristínartinda í Skaftafelli.
22 júlí     Lagt af stað í Grágæsadal með viðkomu í Jökulsárlóni. Komið seinnipartinn og tjaldað.
23 júlí     Gengið í nágrenni Grágæsadals undir leiðsögn Völundar.
24 júlí     Gengið í nágrenni Grágæsadals fyrri hluta dags. Tekið saman seinnipartinn og haldið í Snæfellsskála.Snæfell
25. júlí    Lagt til atlögu við Snæfell, hæst fjall á Íslandi utan jökla, að morgni dags. Tjaldað í Atlavík í Hallormsstaðarskógi um kvöldið.
26. júlí   Keyrt til Egilsstaða og þaðan á Borgarfjörð eystra þar sem Bræðslan verður á laugardagskvöldið.
27 júlí    Gengið í nágrenni Borgarfjarðar. Tónlistarhátíðin Bræðslan um kvöldið.
28 júlí    Keyrt Til Húsavíkur með viðkomu á Mývatn þar sem verður tjaldað. Gegnið í nágrenninu og farið í jarðböðin.
29 júlí    Hvalaskoðun á Húsavík. Keyrt til Akureyrar um miðjan dag þar sem verður stoppað og svo haldið til Reykjavíkur þar sem ferðinni lýkur.


Til baka í fréttalista
Prenta frétt Senda á Facebook