Aðgengismál

Áherslur Blindrafélagsins í aðgengismálum skiptast í tvo flokka.

• Aðgengi að rafrænum upplýsingum og þjónustu:
  • Stuðla að aukinni vitund um mikilvægi stafræns aðgengis fyrir alla.
  • Benda á mikilvægi þess að aðgengi sé haft í huga í öllum ákvörðunum sem teknar eru varðandi rafrænar upplýsingar og þjónustur.
  • Kynna þann hjálparbúnað sem blindir og sjónskertir notast við og hvernig þarf að haga málum til að hann virki sem best.
  • Hvetja til aukinnar notkunar á almennum aðgengisstöðlum við framsetningu efnis á netinu.
  • Kynna ýmsar góðar lausnir sem til staðar eru sem stuðla að bættu aðgengi.

• Ferilfræðilegt aðgengi (Aðgengi í umhverfinu):
  • Áhersla lögð á algilda hönnun í manngerðu umhverfi.
  • Benda á slysagildrur og hindranir.
  • Kynna lausnir sem auka öryggi og sjálfstæði þeirra sem á þeim þurfa að halda.
  • Stöðug leit að nýjum og betri lausnum sem ekki eru til staðar hérlendis í dag.

Blindrafélagið heldur uppi góðu samstarfi við ýmis fyrirtæki sem bjóða spennandi lausnir í aðgengismálum:

• Samstarfsaðili ReadSpeaker á Íslandi. Talgervislausnir á borð við vefþuluna (hlusta hnappinn) o.fl.
• Samstarfsaðili Siteimprove á Íslandi.
• Samstarfsaðili NaviLens á Íslandi.
• Samstarfsaðili Be My eyes á Íslandi.

Hægt er að sækja plaköt með skýrum upplýsingum um hvað skal, og skal ekki gera þegar kemur að rafrænu aðgengi á GitHub.

Fyrir nánari upplýsingar, ráðgjöf eða aðrar fyrirspurnir tengdar aðgengi má gjarnan senda tölvupóst á adgengi(hjá)blind.is eða hafa samband við skrifstofu Blindrafélagsins í síma 525 0000.