Sjóðurinn blind börn á Íslandi

Hlutverk sjóðsins Blind börn á Íslandi er að styrkja blind og sjónskert börn allt að átján ára aldri til kaupa á ýmsu því sem getur orðið þeim til aukins þroska og ánægju í lífinu. Þar á meðal eru sérhönnuð leikföng, leiktæki, hljóðfæri, tölvur og annað slíkt sem opinberir aðilar styrkja ekki foreldra til kaupa á.

Sjóðurinn var stofnaður sumarið 1992 af umsjónarmönnum útvarpsþáttarins „Tveir með öllu“ því þeir vildu færa blindum og sjónskertum börnum hluti sem nýtast þeim vel í daglegu lífi. 

Í janúar árið 2024 rann styrktarsjóður Margrétar Jónsdóttur inn í styrktarsjóðinn Blind börn á Íslandi.

Styrktarsjóður Margrétar Jónsdóttur sem stofnaður var 1. febrúar 2006 með erfðafé sem var ánafnað í erfðaskrá eftir Margréti. Tilgangur sjóðsins var að styrkja foreldra/forráðamenn barna allt að 18 ára aldri sem greinst hafa blind eða með alvarlega augnsjúkdóma.

Sérhönnuð leikföng og leiktæki fyrir blind og sjónskert börn eru dýr og því eru framlög í sjóðinn vel þegin.

Hægt er að styrkja sjóðinn.

Sjóðurinn blind börn á Íslandi
Arionbanki, 323-13-302227
kt. 470169-2149