Halldór Sævar Guðbergsson kjörinn formaður Öryrkjabandalags Íslands

Halldór hefur verið formaður Blindrafélagsins frá 2005, einnig var hann formaður þess árin 1999-2001.

Halldór, sem er fæddur árið 1971, varð stúdent frá Menntaskólanum við Hamrahlíð  árið 1993 og lauk íþróttakennaraprófi frá Íþróttakennaraskóla Íslands 1995. Að námi loknu hefur hann m.a. unnið sem íþróttakennari, sundþjálfari hjá Íþróttafélagi fatlaðra, markaðsfulltrúi Blindrafélagsins og sinnt fullorðinsfræðslu fatlaðra.

 

Blindrafélagið óskar Halldóri til hamingju með kjörið.