Alþjóðadagur Gláku 12. mars

Blindrafélagið þakkar öllum innilega sem tóku þátt í glákuprófinu sem yfirstóð á samfélagsmiðlum félagsins! Einn heppinn einstaklingur vann gjafabréf í Laugarvatn Fontana og hefur verið látinn vita. Markmið prófsins var að fræða fólk um augnsjúkdóma sem valda gláku.

 

Dagana 9. til 15. mars er haldið upp á alþjóðaviku glákunnar en þá tekur augnheilsusamfélagið sig saman til að varpa ljósi á sjúkdóminn og vekja athygli á því hvernig snemmgreining og meðferð getur bjargað sjón.

 

Í dag 12. mars er Alþjóðadagur Gláku.

 

Þekktasta orsök gláku er hækkaður augnþrýstingur sem er skert flæði á augnvökva sem safnast upp í auganu. Þegar þrýstingur hækkar skemmast taugafrumur sjóntaugarinnar smám saman. Aðrir orsakavaldar geta verið hækkaður aldur, sykursýki, mikil nær/fjærsýni eða fjölskyldusaga um gláku.

 

Hér á árum áður var gláka ein helsta orsök blindu en margt hefur breyst með tilkomu betri meðferða og eftirlits. Einungis sex prósent allra blindra eða sjónskertra einstaklinga eru með gláku í dag. Með reglulegum augnskoðunum hjá augnlækni má greina sjúkdóminn tímanlega og koma í veg fyrir alvarlegar skemmdir.

 

Fyrstu einkenni gláku er skerðing á sjónsviði sem oftast verður í hliðarsjóninni. Einkenni geta komið fram í öðru eða báðum augum samtímis en eru þau helstu: - Að sjónsvið þrengist svo að það dregur úr hliðarsjón - Rörsýni - Sjóntruflanir með lituðum hringjum kringum björt ljós - Þokusjón

 

Þekktustu tegundir gláku eru - Gleiðhornsgláka - Þrönghornsgláka - Fylgigláka - Meðfædd gláka

 

Takk öll sem tóku þátt! ❤